ЙЎЛДОШНИНГ БАЧАДОН ДЕВОРИГА ПАТОЛОГИК ЎСИБ КИРИШИДА МАРКЕРЛАР ЎЗГАРИШЛАРНИ БАҲОЛАШНИНГ АҲАМИЯТИ

Abstract

Долзарблиги. Йўлдошнинг бачадон деворига патологик ўсиб кириши (Placenta Accreta Spectrum — PAS) плацентация жараёнининг мураккаб морфологик бузилиши бўлиб, унинг асосида трофобластик инвазиянинг назорати бузилиши, децидуал тўқиманинг етарли шаклланмаслиги, бачадон деворидаги бириктирувчи тўқима ва қон томир компонентларининг қайта қурилиши ётади. Патологик плацентациянинг клиник оғирлиги нафақат йўлдошнинг бачадон деворига чуқур ўсиб кириш даражаси, балки ушбу жараёнга ҳамроҳ бўлган морфофункционал ўзгаришлар билан ҳам белгиланади.