KALSIY KARBONAT ASOSLI CHIQINDILARDAN SAMARALI FOYDALANISH IMKONIYATLARI

Abstract

Bugungi kunda sanoatning jadal rivojlanishi, tabiiy resurslardan foydalanish hajmining ortishi va turli ishlab chiqarish jarayonlarida chiqindilar miqdorining ko‘payishi ekologik hamda iqtisodiy muammolarni yuzaga keltirmoqda. Tabiiy mineral xomashyolardan oqilona foydalanish, mavjud resurslarni tejash, ishlab chiqarish chiqindilarini kamaytirish va ularni qayta ishlash orqali ikkilamchi xomashyo sifatida foydalanish zamonaviy ishlab chiqarishning dolzarb yo‘nalishlaridan biridir. Ayniqsa, chiqindilarni qayta ishlash asosida yangi mahsulotlar olish tabiiy resurslarga bo‘lgan ehtiyojni kamaytirish, ishlab chiqarish samaradorligini oshirish va atrof-muhitga salbiy ta’sirni kamaytirishda muhim ahamiyat kasb etadi.