ОШҚОЗОН ТЎҚИМАСИДА ИС ЧАҚИРГАН ДИСТРОФИК ВА НЕКРОТИК ЖАРАЁНЛАРНИНГ ПАТОМОРФОЛОГИЯСИ

Abstract

Ушбу мақолада ис гази (углерод оксиди — CO) таъсирида ошқозон тўқимасида ривожланадиган дистрофик ва некротик жараёнларнинг патоморфологик хусусиятлари таҳлил қилинди. Экспериментал ҳайвонларда олиб борилган тадқиқотлар асосида ошқозон шиллиқ қавати, без аппарати ва микроциркуляция тизимидаги патологик ўзгаришлар ўрганилди. Тадқиқот натижаларига кўра, ис газининг сурункали таъсири эпителиал ҳужайраларда вакуоляр ва гидропик дистрофия, қон томирларда стаз, шиш, яллиғланиш инфильтрацияси ҳамда айрим соҳаларда некроз ўчоқлари ривожланишига олиб келади. Аниқланган ўзгаришлар гипоксия, микроциркуляция бузилиши ва оксидловчи стресс билан чамбарчас боғлиқ эканлиги қайд этилди.