ЮМШОҚ ТЎҚИМАЛАРГА ҚОН ҚУЙИЛИШИНИНГ ҲАЁТИЙЛИГИНИ СПЕКТРОФОТОМЕТРИК ТАҲЛИЛ АСОСИДА СУД-ТИББИЙ БАҲОЛАШ
Keywords:
Гемин – гемм таркибидаги темирнинг оксидланган шакли билан боғлиқ бирикма бўлиб, унинг миқдори қоннинг тўқималарга чиқиши ва гемоглобиннинг кейинги ўзгаришларига боғлиқ бўлиши мумкин. Ультрабинафша спектрофотометрияси ёрдамида геминни миқдорий баҳолаш травматик қон қуйилишларини комплекс текширишда қўшимча биокимёвий ёндашув сифатида қизиқиш уйғотади.Abstract
Механик шикастланишларнинг ҳаётликда ёки ўлимдан кейин юзага келганлигини аниқлаш суд-тиббий экспертизанинг муҳим вазифаларидан биридир. Айниқса, жароҳат етказилган вақт билан ўлим орасидаги муддат қисқа бўлганда, тўқималардаги ҳаётий реакцияларнинг морфологик белгилари етарлича шаклланмаслиги мумкин. Шу сабабли макроскопик ва гистологик текшириш натижаларини қўшимча лаборатор кўрсаткичлар билан тўлдириш долзарб аҳамият касб этади.
Қорин парда орти бўшлиғининг юмшоқ тўқималарига қон қуйилишида қоннинг тўқима қатламлари бўйлаб тарқалиши, анатомик тузилишнинг ўзига хослиги ва жароҳатнинг жойлашуви суд-тиббий талқинни мураккаблаштиради. Бунда қон қуйилишининг мавжудлиги унинг айнан ҳаётликда юзага келганлигини мустақил равишда тасдиқламайди. Морфологик белгилар билан бир қаторда гемоглобин ҳосилаларини ўрганиш қон қуйилиш ўчоғида кечган биокимёвий ўзгаришларни тавсифлаш имконини беради.
