BUXORO AMIRLIGI VA XIVA XONLIGI O‘RTASIDAGI O‘ZARO MUNOSABATLARINING MANBASHUNOSLIGI VA TARIXSHUNOSLIGI (XIX-XX ASR BOSHI)
Keywords:
Buxoro amirligi, Xiva xonligi, manbashunoslik, tarixshunoslik, tarixiy manbalar, diplomatik yozishmalar, elchilik munosabatlari, arxiv hujjatlari, mahalliy solnomalar, qiyosiy tahlil, XIX asr, XX asr boshi, Markaziy Osiyo tarixi.Abstract
Mazkur maqolada XIX asr va XX asr boshlarida Buxoro amirligi hamda Xiva xonligi o‘rtasidagi o‘zaro munosabatlarni o‘rganishda muhim ahamiyat kasb etuvchi tarixiy manbalar va tarixshunoslik masalalari kompleks tarzda tahlil qilinadi. Tadqiqotda ikki davlat o‘rtasidagi siyosiy-diplomatik aloqalar, elchilik munosabatlari, harbiy-siyosiy ziddiyatlar va savdo-iqtisodiy hamkorlikka oid ma’lumotlarning tarixiy manbalarda aks etish xususiyatlari yoritiladi. Xususan, mahalliy tarixiy asarlar, solnomalar, diplomatik yozishmalar, arxiv hujjatlari hamda rus va xorijiy tadqiqotchilarning ilmiy ishlari o‘zaro qiyosiy tahlil qilinadi. Shuningdek, Buxoro amirligi va Xiva xonligi munosabatlarining o‘rganilish bosqichlari, tarixshunoslikdagi asosiy yondashuvlar, manbalarning axborot imkoniyatlari va ulardan foydalanish bilan bog‘liq ilmiy-metodologik masalalar ochib beriladi. Tadqiqot natijasida mazkur davlatlar o‘rtasidagi munosabatlar tarixini xolis va tizimli yoritishda manbashunoslik hamda tarixshunoslik tahlilining o‘rni asoslab beriladi.
