TA’MINOT ZANJIRI XAVFSIZLIGI TIZIMIDA BOJXONA ORGANLARINING O‘RNI VA AHAMIYATI

Abstract

Annotatsiya: Ushbu tezisda xalqaro savdo jarayonida bojxona chegarasi orqali olib o‘tiladigan tovarlarni nazorat qilish va bojxona operatsiyalarini amalga oshirishda ta’minot zanjiri xavfsizligini ta’minlashning asosiy ishtirokchisi sifatida bojxona organlarining o‘rni va rolini o‘rganish natijalari bayon etilgan.

Bojxona operatsiyalarini bajarish va bojxona tartib-taomillarini amalga oshirishda ta’minot zanjirlari xavfsizligini ta’minlash bo‘yicha bojxona organlari faoliyati chuqur tahlil qilingan. Asosiy e’tibor bojxona nazorati ostidagi tovarlar ta’minoti zanjiri xavfsizligini ta’minlashning bojxona-tarif va ma’muriy instrumentlarini tahlil qilish hamda baholashga qaratilgan. Ta’minot zanjirlari xavfsizligini ta’minlash tizimidagi mavjud muammolar shakllantirilgan bo‘lib, bojxona nazorati ostidagi tovarlar harakati xavfsizligini kafolatlashga qaratilgan huquqiy, tashkiliy va texnologik mexanizmlarni takomillashtirish bo‘yicha kompleks chora-tadbirlar majmuasi taklif etilgan. Ushbu mexanizmlarning amaliyotga tatbiq etilishi tashqi savdo faoliyatida halol raqobat uchun optimal muhit yaratishga, bojxona xizmatlari ko‘rsatish sohasini innovatsion rivojlantirishga, bojxona ma’murchiligi sifatini oshirishga va umuman olganda, milliy xavfsizlikning tegishli darajasini ta’minlashga xizmat qiladi.