MARKETING STRATEGIYALARINING KORXONA DAROMADLARIGA TA’SIRI
Abstract
Bozor iqtisodiyoti sharoitida korxonalarning muvaffaqiyatli faoliyat yuritishi nafaqat sifatli mahsulot ishlab chiqarish yoki xizmat ko‘rsatishga, balki ushbu mahsulot va xizmatlarni iste’molchiga samarali yetkazib berish qobiliyatiga ham bog‘liqdir. Shu nuqtai nazardan marketing strategiyalari korxona faoliyatining ajralmas qismi hisoblanib, daromadlarni oshirish, bozor ulushini kengaytirish va raqobatbardoshlikni ta’minlashda muhim ahamiyat kasb etadi. Zamonaviy iqtisodiyotda marketing nafaqat mahsulotni sotish vositasi, balki korxonaning uzoq muddatli rivojlanishini ta’minlovchi strategik boshqaruv instrumenti sifatida qaralmoqda.
Marketing strategiyasi korxonaning maqsadli bozorlarni aniqlash, iste’molchilar ehtiyojlarini o‘rganish, mahsulot yoki xizmatlarni bozorda joylashtirish hamda raqobat ustunligini shakllantirishga qaratilgan uzoq muddatli harakatlar tizimidir [1]. Marketing strategiyalarining asosiy maqsadi iste’molchilar ehtiyojlarini qondirish orqali korxona daromadlarini ko‘paytirishdan iborat. Korxona qanchalik iste’molchilarning talab va istaklarini chuqur tahlil qila olsa, uning mahsulotlariga bo‘lgan talab ham shunchalik ortadi.
References
1. Tairova M.M.,Giyazova N.B., HamidovM.E. Korxona iqtisodiyoti. Uslubiy qo`llanma. Buxoro, 2016, bet.
2. Dj E. S., Qosimova M. S., Yusupov M. A. Marketing asoslari //Darslik-T.:«IQTISODIYOT. – 2019. – Т. 305.
3. Gafurova D. K., Shirin N. KORXONALARDA MARKETING STRATEGIYALARINING SAMARADORLIGI //ILMIY TADQIQOTLAR VA YANGI OLAM. – 2025. – Т. 1. – №. 2. – С. 354-359.
