ПРЕЭКЛАМПСИЯ ХАВФИ МАВЖУД АЁЛЛАРДА УЛТРАТОВУШ ТЕКШИРУВИ МАРКЕРЛАРИНИНГ АҲАМИЯТИ
Keywords:
Калит сўзлар: преэклампсия, ангиоген маркерлар, sFlt-1, PlGF, sFlt-1/PlGF нисбати, эндотелиал дисфункция, плацентар ишемия, ангиоген мувозанат.Abstract
Резюме. Бугунги кунда даволаш муассасаларида стационар ва амбулатор шароитда ҳомиладор аёлларни кузатиш, преэклампсия ривожланиши эҳтимоли юқори бўлган беморларни эрта босқичда аниқлаш ҳамда профилактик чора-тадбирлар самарадорлигини динамик баҳолашда ултратовуш текшируви муҳим диагностик усуллардан бири ҳисобланади. Ушбу усул она–йўлдош–ҳомила тизимидаги морфометрик ва гемодинамик ўзгаришларни ноинвазив равишда баҳолаш имконини беради.
Долзарблиги. Эрта ҳомиладорлик даврида эндометрийнинг қалинлиги ва тузилиши ҳомила тухумининг имплантацияси ҳамда хорионнинг кейинги ривожланиши учун муҳим кўрсаткичлардан бири ҳисобланади [1]. Шунингдек, бачадон артерияларида қон оқими қаршилигининг ўзгариши плацентация жараёнининг хусусиятларини баҳолашда муҳим аҳамият касб этади[2]. Шу муносабат билан тадқиқотда бачадон артерияларининг допплерометрик кўрсаткичлари, жумладан, резистентлик индекси (RI), пульсация индекси (PI) ва систолик-диастолик нисбат (S/D) ўрганилди [3]. Ушбу ҳомиладорлик муддатида бачадон артериялари қон оқимини баҳолашда пульсацион индекс (PI) асосий допплерометрик кўрсаткич сифатида қаралиб, резистентлик индекси (RI) ва систолик-диастолик нисбат (S/D) эса гемодинамик ўзгаришларни янада тўлиқ тавсифловчи қўшимча кўрсаткич сифатида баҳоланди [4]. Бунда СДН (систолик-диастолик нисбат) одатда S/D = 1/(1−RI) формуласи бўйича ҳисобланади.
References
1. Макацария А.Д., Бицадзе В.О., Хизроева Д.Х. Преэклампсия: современные аспекты патогенеза, диагностики и профилактики // Акушерство, гинекология и репродукция. – 2020. – Т. 14, №4. – С. 260–272.
2. Радзинский В.Е., Костин И.Н., Костин О.А. Преэклампсия: клинико-патогенетические аспекты и современные подходы к прогнозированию // Вопросы гинекологии, акушерства и перинатологии. – 2021. – Т. 20, №3. – С. 78–86.
3. Rana S., Lemoine E., Granger J.P., Karumanchi S.A. Preeclampsia: pathophysiology, challenges, and perspectives // Circulation Research. – 2019. – Vol. 124, №7. – P. 1094–1112.
4. Stepan H., Hund M., Andraczek T. Combining biomarkers to predict pregnancy complications and redefine preeclampsia: the angiogenic factor approach // Hypertension. – 2020. – Vol. 75, №4. – P. 918–926.
