O‘TKIR HOSHIMOV NASRIDA IJTIMOIY-MA’NAVIY QADRIYATLAR VA INSON KONSEPSIYASI TAHLILI
Keywords:
O‘tkir Hoshimov, o‘zbek nasri, inson konsepsiyasi, xalqchillik, Ikkinchi jahon urushi fojiasi, “Ikki eshik orasi”, psixologik tahlil, ma’naviy qadriyatlar, publitsistika.Abstract
Ushbu maqolada XX asrning ikkinchi yarmi va XXI asr boshlari o‘zbek adabiyotining yirik namoyandasi, O‘zbekiston xalq yozuvchisi O‘tkir Hoshimovning hayoti va ijodiy yo‘li, asarlarining g‘oyaviy-badiiy xususiyatlari hamda o‘zbek nosirchiligidagi o‘rni ilmiy-nazariy jihatdan tahlil qilinadi. Tadqiqot obyekti sifatida yozuvchining “Dunyoning ishlari”, “Ikki eshik orasi”, “Bahor qaytmaydi” va “Tushda kechgan umrlar” kabi fundamental asarlari olingan. Maqolada adib dunyoqarashining shakllanishiga ta’sir ko‘rsatgan ijtimoiy-tarixiy omillar, xususan, Ikkinchi jahon urushi yillaridagi og‘ir bolalik xotiralarining badiiy asarlardagi in’ikosi o‘rganiladi. Yozuvchi asarlarida ilgari surilgan inson qadri, mehr-oqibat, oilaviy munosabatlar va urush fojiasi kabi mavzular psixologik realizm va xalqchillik prinsiplari asosida tadqiq etiladi. Shuningdek, O‘tkir Hoshimovning publitsistik va dramaturgik faoliyati, uslubiy o‘ziga xosligi va uning asarlarining yosh avlodni ma’naviy-axloqiy tarbiyalashdagi pedagogik ahamiyati ochib berilgan.
