MINTAQAVIY RAQOBATBARDOSHLIKNI OSHIRISH ORQALI BARQAROR IQTISODIY O‘SISHNI TA’MINLASH MEXANIZMLARI
Keywords:
mintaqaviy raqobatbardoshlik, barqaror iqtisodiy o‘sish, hududiy rivojlanish, investitsiya, innovatsiya, inson kapitali, mehnat unumdorligi, infratuzilma, diversifikatsiya, qo‘shilgan qiymat.Abstract
Mazkur tezisda hududlarning raqobatbardoshligini oshirish asosida barqaror iqtisodiy o‘sishni ta’minlashning institutsional va iqtisodiy mexanizmlari tadqiq etilgan. Mintaqaviy raqobatbardoshlikni shakllantiruvchi asosiy omillar sifatida investitsion faollik, inson kapitali, innovatsion salohiyat, ishlab chiqarish samaradorligi, infratuzilma ta’minoti hamda hududiy iqtisodiyotning diversifikatsiya darajasi tizimli ravishda ko‘rib chiqilgan. Tadqiqotda hududning raqobatbardoshligi faqat iqtisodiy ishlab chiqarish hajmi bilan emas, balki mavjud resurslarning yuqori qo‘shilgan qiymat yaratishga yo‘naltirilishi va uzoq muddatli iqtisodiy samaradorlikni ta’minlash qobiliyati bilan belgilanadi, degan ilmiy yondashuv asoslangan. Shuningdek, mintaqaviy raqobatbardoshlikni oshirishning investitsion-innovatsion, institutsional, infratuzilmaviy va inson kapitaliga asoslangan mexanizmlarini takomillashtirish bo‘yicha ilmiy-amaliy takliflar ishlab chiqilgan.
