TIREOTOKSIKOZNING SHIZOFRENIYA SPEKTRI BUZILISHLARIDAGI AFFEKTIV SIMPTOMLAR PROFILIGA TA’SIRI

Abstract

Qalqonsimon bez gormonlari markaziy nerv tizimi faoliyati, neyrotransmitterlar almashinuvi, miya metabolizmi va emotsional boshqaruv jarayonlarida muhim rol o‘ynaydi. Tireotoksikozda qalqonsimon bez gormonlarining ortishi xavotir, irritabellik, affektiv labillik, uyqu buzilishi va kayfiyat o‘zgarishlari kabi psixiatrik simptomlar bilan namoyon bo‘lishi mumkin. Shizofreniya spektri buzilishlarida esa affektiv simptomlar kasallikning klinik kechishi, ijtimoiy moslashuv va davolash natijalariga sezilarli ta’sir ko‘rsatadi. Shu sababli tireotoksikoz va shizofreniya spektri buzilishlarining komorbid kechishida affektiv simptomlarning o‘ziga xos profilini aniqlash dolzarb klinik-ilmiy masalalardan biridir.