СПОРТ МУҲИТИДАГИ КРИМИНАЛ СУБМАДАНИЯТ ТУШУНЧАСИ
Keywords:
спорт муҳити, жанговар спорт турлари, криминал субмаданият, субмаданият, уюшган жиноятчилик, спорт индустрияси, тижоратлашув, ёш спортчилар, деструктив хулқ-атвор, норасмий хулқ-атвор кодекси, кўча қонунлари, зўравонлик жиноятлари, криминоген омиллар, виктимологик профилактика, ҳуқуқий онг.Abstract
Ушбу мақолада спорт муҳитида, хусусан, жанговар спорт турларида (ММА, бокс, эркин кураш) криминал субмаданиятнинг шаклланиши, тарқалиши ва унинг ижтимоий-ҳуқуқий оқибатлари академик ва криминологик жиҳатдан таҳлил қилинган. Мақолада “субмаданият” ва “криминал субмаданият” тушунчаларининг концептуал-терминологик моҳияти криминология фанининг етакчи олимлари қарашлари асосида очиб берилган ҳамда муаллифлик таърифлари илгари сурилган. Спорт индустриясининг тижоратлашуви ва уюшган жиноятчиликнинг жисмонан бақувват ёшларга бўлган эҳтиёжи оқибатида анъанавий пенитенциар субмаданиятнинг фуқаролик жамиятига ва спорт клубларига трансформациялашув омиллари кўриб чиқилган.
Шунга кўра, ёш спортчиларни жиноий тузилмалар томонидан “куч ишлатар ресурс” сифатида жалб этилишининг олдини олиш, уларда ҳуқуқий ва маънавий иммунитетни шакллантириш ҳамда профилактик чора-тадбирларни такомиллаштириш бўйича илмий-амалий таклифлар илгари сурилган.
