DAVLAT TIBBIYOT TASHKILOTLARIDA BUXGALTERIYA HISOBINI TASHKIL ETISHNING AMALIY JIHATLARI
Keywords:
budjet tashkiloti, buxgalteriya hisobi, davlat tibbiyot tashkiloti, hisobni tashkil etish, iqtisodiy tasnif, ko‘p manbali moliyalashtirish, rivojlantirish jamg‘armasi, g‘aznachilik hisobvarag‘i,Abstract
Tezisda davlat tibbiyot tashkilotining aralash moliyalashtirish rejimiga o‘tishi hisobni tashkil etishga qanday ta’sir ko‘rsatgani o‘rganilgan. To‘rt tibbiyot tashkilotining 2019–2025–yillardagi hisobot ma‘lumotlari asosida tashkilotda to‘rtta mustaqil moliyaviy harakat ishlashi, ularning har biri alohida g‘aznachilik hisobvarag‘i va alohida hisobot shakliga ega ekani, manbalarni birlashtiradigan yig‘uvchi shakl esa umuman ko‘zda tutilmagani aniqlangan. O‘z daromadining umumiy resursdagi ulushi 36,5 foizdan 60,4 foizgacha o‘zgargan va so‘nggi yillarda ellik foiz atrofida barqarorlashgan. Budjet mablag‘lari uchun qat’iy talab qilinadigan tasnif batafsilligi budjetdan tashqari mablag‘lar uchun talab qilinmaydi: 2022–yilda tafsilotsiz “boshqa xarajatlar” satri jamg‘arma xarajatining 37,6 foizini tashkil etgan.
