TA’LIM SIFATINI OSHIRISHDA OTA-ONA VA MAKTAB HAMKORLIGINI BOSHQARISHNING TASHKILIY-PEDAGOGIK JARAYONLARINI TAKOMILLASHTIRISH
Keywords:
ta’lim sifati, ota-ona va maktab hamkorligi, tashkiliy-pedagogik mexanizm, pedagogik hamkorlik, ota-onalar ishtiroki, ta’lim boshqaruvi, pedagogik kommunikatsiya, monitoring, qayta aloqa, pedagogik sheriklik, o‘quvchi rivojlanishi, ijtimoiy hamkorlik.Abstract
Mazkur maqolada ta’lim sifatini oshirishning muhim tashkiliy-pedagogik omillaridan biri sifatida ota-ona va maktab hamkorligini samarali boshqarish masalasi ilmiy-nazariy hamda amaliy jihatdan tahlil qilinadi. Ota-onalarning ta’lim jarayonidagi ishtirokini an’anaviy ota-onalar yig‘ilishlari, o‘quvchilarning o‘zlashtirish ko‘rsatkichlari haqida axborot berish yoki muammoli vaziyatlarda maktab bilan aloqa qilish kabi epizodik shakllar bilan chegaralash zamonaviy ta’lim boshqaruvi talablariga to‘liq javob bermasligi asoslanadi. Hamkorlikning maqsadli, kommunikativ, diagnostik, koordinatsion, monitoring va qayta aloqa mexanizmlarini yagona boshqaruv tizimiga integratsiyalash orqali ota-onani ta’lim jarayonining passiv kuzatuvchisidan faol pedagogik hamkor subyektiga aylantirish imkoniyatlari ochib beriladi.
