3 ОЙЛИК ОҚ ЗОТСИЗ КАЛАМУШЛАРДА 70%ЛИ СИРКА КИСЛОТА ТАЪСИРИДА БУЙРАКДАГИ МОРФОЛОГИК МОРФОМЕТРИК ЎЗГАРИШЛАР Алимова Н.П.
Keywords:
Сирка кислотаси, 70% ли сирка кислотаси, буйрак, нефрон, буйрак коптокчалари, буйрак найчалари, нефротоксик таъсир.Abstract
Тадқиқотнинг мақсади 70% ли сирка кислотасини бир марта юбориш натижасида 3 ойлик оқ зотсиз каламушлар буйрагида юзага келадиган морфологик ва морфометрик ўзгаришларни аниқлашдан иборат бўлди. Тадқиқотда назорат ва тажриба гуруҳларидаги ҳайвонларнинг буйрак тўқимаси ўрганилди. Тажриба гуруҳи ҳайвонларига 70% ли сирка кислотаси бир марта юборилди ва белгиланган муддатдан сўнг буйрак тўқимасидан гистологик препаратлар тайёрланди. Кесмалар гематоксилин ва эозин ҳамда ван Гизон усуллари билан бўялди. 3 ойлик каламушларда сирка кислотаси таъсиридан кейин буйрак тўқимасида асосан қон томирларининг тўлақонлилиги, интерстициал шиш ва нефрон найчалари эпителийсида дистрофик ўзгаришлар кузатилди. Буйрак коптокчаларида капиллярлар қон билан тўлишининг ўзгариши ва капсула бўшлиғида айрим морфологик силжишлар қайд этилди. Морфометрик текширувларда буйрак коптокчаларининг диаметри, капсула бўшлиғининг кенглиги, найчалар диаметри, эпителий қавати қалинлиги ва строма майдонининг нисбий улуши каби кўрсаткичлар ўрганилди. Олинган натижалар 70% ли сирка кислотасини бир марта юбориш 3 ойлик каламушлар буйрагида ёшга боғлиқ равишда турлича ифодаланувчи морфологик ва морфометрик ўзгаришларни келтириб чиқаришини кўрсатади.
