SUN’IY INTELLEKT SAVODXONLIGINING XODIMLARNING SUN’IY INTELLEKT TEXNOLOGIYALARINI QABUL QILISHIGA TA’SIRI

Abstract

Ushbu tezisda sun’iy intellekt savodxonligining xodimlar tomonidan sun’iy intellekt texnologiyalarini qabul qilishiga ta’siri o‘rganiladi. Tadqiqotda xodimlarning sun’iy intellekt bo‘yicha bilim va ko‘nikmalari, texnologiyalarga ishonchi, ulardan foydalanishga tayyorligi hamda raqamli o‘zgarishlarga moslashuvchanligi tahlil qilinadi. Sun’iy intellekt savodxonligini oshirish xodimlarning yangi texnologiyalarga ijobiy munosabatini shakllantirishi asoslanadi. Tadqiqot natijalari tashkilotlarda raqamli kompetensiyalarni rivojlantirish va sun’iy intellekt texnologiyalarini samarali joriy etish bo‘yicha amaliy tavsiyalar ishlab chiqishga xizmat qiladi hamda boshqaruv jarayonlari samaradorligini oshirish imkoniyatlarini kengaytiradi.